Link açıqlığı

Kyivte sentâbr 30 künü «Selâmaleyküm» serlevalı qırımtatar elifbesiniñ taqdim merasimi keçti, dep haber ete Qırım.Aqiqat muhbiri.

Kitapnıñ dizayner-müellifi Sevilya Ibrahimovanıñ sözlerine köre, bu qırımtatar tilinde artbook şekilinde çıqqan ilk elifbe, onda «er şey resim ve mudericege bağlı».

«Qırımtatar tilinde episi olıp 31 arif, ve, adetince, ar bir arif içün resim bar. Bizim elifbemizde ise resimler qırımtatar halqınıñ milliy medeniyetinen ve turmuşınen tanış ete», – dep qay ete dizayncı.

Qırımtatar metsenatı ve işadamı, «ATR» telekanalınıñ saibi Lenur İslâmov dey ki, soñki vaqıtları er kes Qırımdan tek yaramay haberler almağa alıştı, «lâkin Sevilya Ibrahimova kibi istidatlı adamlar sayesinde qırımtatar tarihında yañı bölük açılacaq».

«Selâmaleyküm» elifbesinin taqdim merasimini «Eurovision-2016» ğalibi Jamala da ziyaret etti.

«Ukrainliler qırımtatar tilini, bu elifbeden olsa da, ögrense ediler, men bellesem, bizim halqlarımız daa ziyade yaqınlaşıp olu ediler», – dey o.

Kitapnıñ taqdimini desteklep, merasimde «Şatur Gudur» taqımı icra etti.

Er istegen insan «Selâmaleyküm» elifbesini «Sâyvo Knıgı» kitap tükânında 320 grivnâdan ala bilir.

XS
SM
MD
LG