«Soçi-2016» Halqara yatırım forumına işğal etilgen Qırım 242 yatırım teklifini ketirdi, dep bildirdi sentâbr 30-da, cuma künü Kreml tarafından tayinlengen Qırım ükümetiniñ yolbaşçısı Sergey Aksönov.
Onıñ sözlerine binaen, añlaşmalar endi imzalandı ve «110 leyhanıñ ömürge keçirilmesi başlandı, bunıñ çerçivesinde 125,8 mlrd ruble yatırım etilecek ve tahminen 6 biñ iş yeri peyda olacaq».
«Qırım Serbest iqtisadiy zonası (SİZ) keçirildi – bir yıl ve 8 ay alıp barılğan iş devamında 630 işhane ve teşkilât SİZ iştirakçisi oldı, olar 80 mlrd ruble yatırım ete ve 29 biñ iş yerni peyda ete. Leyhalar arasında halqara leyhalar da bar, amma Qırım cumhuriyetinde öz leyhalarını ömürge keçirmege azır olğan bütün ecnebiy yatırımcılar aqqında malümatnı saqlamaq mecburmız, olar sanktsiya nizamından zarar körmesin dep», – dep aytıla Aksönovnıñ beyanatında.
Ukraina Tışqı işler nazirligi Meclisniñ Rusiyede yasaq etilecek alda, müessise «qattı cevap» berecegini ilân etken edi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
