Link açıqlığı

Saatnıñ esas haberi

Gayana Yüksel: aşkârlıq – Qırımda qalğanlar içün taqiplerden immunitettir


Qırımtatar Milliy Meclisi azası Gayana Yüksel
Qırımtatar Milliy Meclisi azası Gayana Yüksel

Ukrain ükümeti ve halqara teşkilâtlar temsilcileri işğal etilgen Qırımdaki vaziyetni daimiy şekilde nezaret etmeli, insan aqları bozuluvınen bağlı er angi vaqianı ise, kütleviy şekilde halqqa bildirmeli. Qırımtatar Milliy Meclisi azası Gayana Yükselniñ fikrince, bu, yarımada territoriyasında kelecekte yaqalanmalarnıñ ögüni körmege yardım etecektir. Bu aqta o, Qırım.Aqiqat Radiosınıñ saba yayınında bildirdi.

«Ukrain ükümeti, halqara teşkilâtlar daimiy şekilde Qırmdaki vaziyetni nezaret astında tutmalı, bu aqta daima haber etmeli. Halqara mühbirlerniñ, halqara missiyalarnıñ yiberilmesine irişmeli. Aşkârlıq – bu, olar qorqqan şeydir, ve biz nasıldır seviyede bundan emin oldıq, bu qıtaiy qısmındaki, halqara tögereklerdeki aşkârlıq ve muzakereler, Qırımda qalğanlarğa nasıldır immunitet bere», – dedi o.

İşğalden soñ Qırımda mustaqil mühbirlerde, qırımtatar faallerinde ve Meclis azalarında kütleviy tintüvler sıq-sıq keçirilip başladı. Ukraina Tışqı işler nazirligi (TİN) işğal etilgen Qırımda ukrain vatandaşlarınıñ taqip etilmesinden qasevet çekkenini bildirdi ve basqıncılıqnı toqtatmağa çağırdı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG