Link açıqlığı

Qırım rusiyeli mahkemesi sentâbr 29-da, cumaaqşamı keçirilgen toplaşuvda Qırımtatar Milliy Meclisi reis muavini Ahtem Çiygoznıñ apiste bulunma müddetini devam ettirdi.

Bu aqta onıñ apayı Elmira Ablâlimova Facebook saifesinde bildirdi.

«Bugün mahkeme toplaşuvında Ahtem Çiygoznıñ apiste bulunma müddeti 2017 senesi yanvar 8-ge qadar uzattırıldı», – dep yazdı Çiygoznıñ apayı.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG