Link açıqlığı

Mahkeme «Hizb ut-Tahrir işi» boyunca yaqalanğannı apisten azat etmekni red etti – soy-sop


«Hizb ut-Tahrir işi» boyunca yaqalanğan Muslim Aliyev

Mahkeme «Hizb ut-Tahrir işi» boyunca yaqalanğanlarnıñ biri olğan Muslim Aliyevniñ şikâyet arizasını lâğu etti, bu aqta onıñ qızı Gulsum Aliyeva bildire.

«Er vaqıt olğanı kibi, «mahkeme» başlanğıç mahkemesiniñ qararını deñiştirmeyip qaldırdı, şikâyet arizası qanaatlendirilmedi», – dep yazdı Gulsum Aliyeva.

Bunen beraber, Aliyeva ilân etti ki, Muslim Aliyev Aqmescit SİZO-sında 2016 senesi dekabr 8-ge qadar bulunacaq.

Fevral 11-12 künleri Rusiye uquq qoruyıcıları Qırımda islâm dinini kütkenlerniñ evlerinde bir sıra tintüv keçirip, insanlarnı yaqaladılar. Umumen 14 insan yaqalandı, olardan dörtü apiske alındı: Yaltada İnsan aqları bağ gruppasınıñ azası Emir-Üsein Kuku, Yalta rayonınıñ sakini Enver Bekirov, Aluşta rayonınıñ sakini Müslim Aliyev ve Yaltalı Vadim Siruk. FSB taqiqatçıları olarnı Rusiyede yasaq etilgen «Hizb ut-Tahrir» teşkilâtında iştirak etmeleri ile qabaatladılar. Refat Alimov 2016 senesi aprel ayında rusiyeli uquq qoruyıcılar tarafından aynı «Hizb ut-Tahrir» ile bağlı olğanında şeklenilip, yaqalandı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG