İsrail sabıq prezidenti ve Nobel mukâfatınıñ laureatı 92 yaşındaki Şimon Peres sentâbr 28-de insulttan soñ vefat etti. Bu Tel-Aviv yanındaki hastahanede oldı, dep bildirdi ekimler ve İsrail kütleviy haber vastaları.
Şimon Peres, zemaneviy İsrail Devletiniñ tesisçilerinden biri olaraq, devletniñ büyük itibarlı lideri edi. Yetmiş yıl siyasiy karyerası devamında Peres İsrail tarihınıñ müim devirlerinden keçti – 1950-ci seneleri özek silâ mağazınıñ yaratılmasından başlap, 1990-ci seneleri filistinlernen barışıq munaqaşalarğa qadar. 1994 senesi Şimon Peres işbu munaqaşalarda esas rol alğanı içün Nobel mukâfatınen taqdirlendi.
«Barışıqnıñ alternativası yoq. Cenkke tüşmekniñ manası yoq», – dep aytqan edi Peres.
«Terror ötmek pişirip olamaz ve nefes almaq içün taze ava teklif etip olamaz. Bu, paalı, faydasızdır, ve o (terror – QA) bir şey yaratmay», – dep aytqan siyasetçi.
Bunen beraber, Peres çetelde de itibarlı edi. Onıñ 80 yıllığına bağışlanğan merasimde sabıq prezidentler Bill Klinton ve Mihail Gorbaçöv iştirak etken edi. Rejissör Vudi Allen «yaramay yeudiden – ulu yeudige» sözlerinen hayırlavnı yolladı.
