Link açıqlığı

Qırımtatar Milliy Meclisi azası Ali Hamzinge Rusiye memuriy bozuvlar aqqında kodeksniñ bozuluvında qabaatlav taqdim ettiler ve onı mahküm etecekler.

Bu aqta Qırımtatar Milliy Meclisi reisiniñ birinci muavini Nariman Celâl Facebook saifesinde bildirdi.

«Bugün soravdan soñ, Qırımtatar Milliy Meclisi azası Ali Hamzinge Bağçasaray ROVD, E merkezi hadimleriniñ iştiraginen, Rusiye Memuriy Kodeksiniñ «Faaliyeti toqtatılğanı aqqında qarar alınğan cemaat ya da din birleşmesiniñ faaliyeti teşkil etilmesi» 20.28 maddesiniñ 1-ci qısmı bozuluvında qabaatlavnı taqdim ettiler. Yaqın saat içinde mahkeme keçirilmek kerek», – dep yazdı Celâl.

Sentâbr 26-da Qırımtatar Milliy Meclis azaları, bunen beraber, Qırımtatar Qurultayınıñ bazı delegatları Aqmescitteki Ekstremizmge qarşılıq boyunca merkezge çağırıldı.

Nariman Celâlnıñ bildirgen malümatına binaen, bir qaç insan körüşüvge razı oldı, digerleri ise, resmiy vesiqanı beklemekni sayladı.

«Uquq qoruyıcılar Meclis azaları Ablayev Emirali, Yakubov Ruslan ve Ayder Acımambetovnıñ vekâletleri toqtatılğanı, bunen beraber, soñkisiniñ Meclis reisi muavini vazifesinden boşatılması aqqında yaqında qabul etilgen Meclisniñ qararlarınen meraqlana», – dep yazdı Celâl Facebook saifesinde.

XS
SM
MD
LG