Link açıqlığı

Sentâbr 27-de Birleşken Milletler Teşkilâtı (BMT) toplaşuvında aza-delegatları Ukrainada insan aqları boyunca BMT Nezaret missiyasınıñ maruzası muzakere etildi, bunıñ neticesinde işğal etilgen Qırımda insan aqları vaziyeti pek kerginleşkeni tesbit etildi.

Bu aqta halqara teşkilâtnıñ resmiy maruzasında bildirile.

İnteraktiv dialog devamında delegatlar, rusiyeli ükümet, ekstremizmge qarşı küreş dep, faqrlı tüşüngenlerni daimiy şekilde taqip etkenini belgiledi.

Tışqı işler naziriniñ muavini Sergey Kislitsa qayd etti ki, «rusiyeli eyyet bütün qabaatlavlarnı red etecek, amma olarnıñ devleti qol tutqan bütün nizamlar içün, onıñ yolbaşçılığında yapılğan bütün arbiy cinayetler ve insan aqları bozuluvları içün mesüliyetke celp etilmek kerek».

İşğalden soñ Qırımda mustaqil mühbirlerde, qırımtatar faallerinde ve Meclis azalarında kütleviy tintüvler sıq-sıq keçirilip başladı.

Ukraina Tışqı işler nazirligi (TİN) işğal etilgen Qırımda ukrain vatandaşlarınıñ taqip etilmesinden qasevet çekkenini bildirdi ve basqıncılıqnı toqtatmağa çağırdı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG