Link açıqlığı

2016 senesi sentâbr 26-da olğan vaziyetke köre, Ukrainada Qırım ve Donbasstan 1 701 571 köçip kelgen kişi qayd etildi. Bu aqta Ukraina İçtimaiy siyaset nazirliginiñ matbuat hızmeti bildire.

Malümat, vilâyet ve Kiyev şeer devlet memuriyetleriniñ ealini içtimaiy qoruv bölükleri tarafından taqdim etildi.

Müessiselerniñ bildirgenlerine köre, Qırım ve Donbasstan 1701571 köçip kelgen kişi ya da 1378033 qoranta qayd etildi. Bunen beraber, 994867 qoranta nefaqa almaq içün muracaat etti, olardan 918625 qorantağa mütenasip yardımnıñ berilmesi belgilendi.

2016 senesi başından yardım alıcılarğa 2,4 milliarddan ziyade grivna ayırıldı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG