Link açıqlığı

Almaniyalı Drezden şeerinde cami ve Halqara kongress-merkezi binaları yanında eki patlav yanğıradı. Politsiyanıñ malümatına binaen, kimse zararlanmadı.

Uquq qoruyıcılarnıñ bildirgenlerine binaen, patlavlar sentâbr 26-da aqşam yüz berdi. Taqiqatçılar patlav yerinde öz elinen yapılğan patlatıcı aletler parçalarını taptı.

Şeerdeki camilerde qoruv qaviyleştirildi.

«Şimdilik patlav içün mesüliyet aqqında arizalar olmasa, bunıñ sebebi ksenofobiya olğanını tüşünmelimiz», – dep ilân etti yerli politsiya yolbaşçısı Horst Kretsşmar.

Drezden almaniyalı Saksoniya toprağınıñ memuriy merkezi ola. Bu yerde Pediga qaçaqlarğa qarşı siyasiy areket (Vatanperver avropalılar Ğarpnıñ islâmlaştırılmasına qarşı – QA) teşkil etilgen.

XS
SM
MD
LG