Link açıqlığı

Çiygoznıñ işi boyunca mahkemede Amnesty International temsilcileri buluna – Polozov


Adliyeci Nikolay Polozov

Sentâbr 27-de Ahtem Çiygoznıñ işi boyunca mahkeme toplaşuvında Amnesty International nezaret missiyasınıñ temsilcileri buluna. Bu aqta adliyeci Nikolay Polozov Twitterde bildirdi.

Sentâbr 21-de keçirilgen «Çiygoznıñ işi» boyunca keçken toplaşuvda Rusiyege boysunğan Qırım Yuqarı mahkemesi üç zararlanğan kişini sorğuğa çekti. Olardan iç biri Çiygoznıñ qabaatını tasdıqlap olamadı.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

Ahtem Çiygoz mahkemede özüni qabaatlı tanımadı.

XS
SM
MD
LG