Link açıqlığı

Keriç parom keçitinde seferlerniñ sayısı qısqartıldı. Keçirici-şirketniñ resmiy saytındaki cedvelge binaen, endi paromlar saatte bir kere yüre.

Er sene Keriç keçitinde cedvelniñ eki türü bar – qış ve yaz cedvelleri. Turistik mevsim başlanğanınen seferlerniñ sayısı çoqlaşa, mevsim bitken soñ, qısqartıla.

Keriç boğazında parom keçiti Qırımnı Rusiye Federatsiyasınıñ Krasnodar ülkesinen bağlağan esas naqliye yolu ola. Ukraina qanunlarına köre, işğal etilgen Qırımğa Keriç parom keçitinden kiriş yasaqtır ve devlet sıñırı keçüvine musaviydir.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG