Link açıqlığı

Varşavada OSCE konferentsiyasında Qırımda qırımtatarlarnıñ taqip etilmesi aqqında añlatılacaq


Sentâbr 27-de Varşavada ölçeme boyunca OSCE konferentsiyası çerçivesinde «Qırımtatarlarnıñ taqip etilmesi, insaniyetke qarşı cinayet olaraq» side-event keçirilecek.

Konferentsiyada Halqara insan aqları boyunca işbirlik (IPHR) temsilcileri ve cemaat ve uquq qoruyıcı teşkilâtlarınıñ diger temsilcileri tarafından toplanılğan işğal etilgen Qırım toprağında aq-uquqlar sıñırlanğanı ve qırımtatarlarnıñ zulumğa oğratılması aqqında söz yürsetilecek.

«İnsan aqları bozuluvı aqqında toplanılğan malümat yarımadada yaşağan qırımtatarlar ve ukrainlerniñ milletlerara, siyasiy ve diniy ceetten taqip etilmesi aqqında aytmaq içün sebep ola», – dep aytıla merasimniñ press-relizinde.

Müzakerelerde IPHR temsilcisi Simon Papuaşvili; rusiyeli adliyeci Aleksandr Popkov; adliyeci Emil Kurbedinov; uquqçı, Ukrain Helsinka gruppasınıñ temsilcisi Sergey Zayets, «Крым-SOS» cemaat teşebbüsiniñ yolbaşçısı Tamila Taşeva iştirak etecekler.

Qırım Rusiye tarafından işğal etilgen soñ yarımadada Ukraina tarafdarları ve qırımtatar faalleri taqip etilip başladı. Bu aqta uquq qoruyıcılar çoq bildirgen edi. Olar Kremlni insan aqları bozuluvını toqtatmağa çağırğan edi. Amma Moskvada ve rusiyeli Qırım ükümeti repressiyalar aqqında malümatnı red ete.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG