Sentâbr 24-te Qırımnıñ Yedi Quyu rayonında, Keriç-Kefe yolunda Volvo ve İsuzu eki yük maşnası çatıştı, aydavcılarnıñ ekisi de elâk oldı. Bu aqta Qırımda rusiyeli GİBDD saytı sentâbr 26-da, bazarertesi künü bildirdi.
Müessisede qayd ettiler ki, qaza cumaertesi künü, saat 19.45-te yüz berdi, İsuzu avtomobilini ñ aydavcısı Canköy-Kefe-Keriç yolunda Kefeden Keriç tarafına kete edi, 350-ci km + 950-ci kilometrde qarşı taraf yoluna çıqtı ve Volvo avtomobiline uruldı.
Qaza neticesinde Volvo avtomobiliniñ kabinası yandı.
Aydavcılarnıñ ekisi de elâk oldı, dep qayd ete müessiseniñ matbuat hızmeti.
İnternette qaza yüz bergen yerden video paylaşıldı.
