Sentâbr 26-da, bazarertesi künü Kiyevde Vernadskiy adına Tavriya milliy universitetiniñ (TMU) tantanalı açılış merasiminiñ keçirilmesi planlaştırıla, oquv yurtu işğal etilgen Qırımdan Ukraina qıtaiy qısmına keçti.
Tünevin universitet açıluvı aqqında «Euromaydan-Krım» cemaat teşkilâtınıñ yolbaşçısı Sergey Mokrenük Facebook saifesinde bildirgen edi.
Haber etilgenine köre, yañı teşkil etilgen TMU tantanalı açılışı saat 11.00-de Ukraina Tasil ve ilim nazirligi binasınıñ üçünci qatındaki toplaşuv salonında başlanacaq.
Ukraina Tasil ve ilim nazirligi, sentâbr 23-te TMU-ğa destek aktsiyası keçirilgen soñ, Vernadskiy adına TMU-nıñ ştat cedvelini tasdıqladı.
Bunen beraber, sentâbr 23-te Ukraina Adliye nazirligi Belediye idare etüv akademiyasınıñ mülk komleksiniñ Vernadskiy adına TMU-ne teslim etilmesi aqqında emir leyhasını tasdıqladı, bu yerde talebeler oquycaq ve yaşaycaq. Sentâbr 28-de, çarşenbe künü leyha Ukraina baş naziri Vladimir Groysman tarafından imzalanmaq kerek.
Tavriya milliy universitetinde derslerni sentâbr 27-de başlanmağa planlaştıralar.
Vernadskiy adına Tavriya milliy universiteti 2016 senesinden başlap, Ukraina qıtaiy qısmında çalışa.
