Link açıqlığı

Saatnıñ esas haberi

Ukrainada gece zelzele qayd etildi, onıñ ortası Romaniyada oldı


Sentâbr 24-ke keçer gecesi Odessa vilâyetindezelzele qayd etildi, onıñ ortası Romaniyada oldı. Bu aqta Ukraina Fevqulade vaziyetler boyunca devlet hızmeti (FVDH) bildire.

FVDH-nıñ malümatına binaen, gece saat 2:15-te 3-4 baalı zelzele sarsıntısı qayd etildi. Bina viranları ve zararlanğan kişiler yoq.

«Zelzele ortası Romaniya şarqiy qısmında, Vrança dağlarında, Lipşe şeeri yanında oldı. Zelzele ortasında 88 kilometr terenliginde, küçü 5,7 baa teşkil etken sarsıntıqayd etildi», – dep aytıla beyanatta.

Bundan soñ sarsıntılar olmadı.

İçtimaiy ağlar qullanıcıları bildire ki, zelzele sarsıntıları Kiyev, Çernovtsi, Herson, Zaporojye ve diger Ukraina şeerlerinde de duyuldı.

XS
SM
MD
LG