Link açıqlığı

Mısır yalısında 160-tan ziyade qaçaq cesedi tapıldı, esasen qadın ve balalar


Qurtarıcılar vaqia yüz bergen yerde, Mısır, 2016 senesi, sentâbr 22

Mısır ükümeti devletniñ yalısında eñ azdan 162 migrant cesedi tapılğanı aqqında bildire. Elâk olğanlar arasında esasen yaldamağa bilmegen qadın ve balalar oldı.

Mısırdaki belediye yolbaşçısı Beheyr Mohammed Sultan sentâbr 23-te bildirdi ki, sentâbr 21-de yüz bergen qayıq qazası neticesinde elâk olğanlarnıñ sayısı arta bile.

Birleşken Milletler Teşkilâtınıñ Qaçaqlar işleri boyunca Yuqarı komissarınıñ bildirgenine köre, qayıqta tahminen 450 adam oldı. Aynı vaqıtta MENA agentligi haber etti ki, qayıqta 600-ge qadar adam olğandır.

Tahminen 160 adam qurtarılıp oldı, olarnıñ çoqusı mısırlılardır.

Mısır yolunen Süriyeden ve İraqtan deñizden çoq migrant Avropağa qaçmağa tırışa.

XS
SM
MD
LG