Link açıqlığı

TMU-da derslerni sentâbr 27-de keçirip başlamağa planlaştıralar


Aqmescitten Kiyevge köçken Tavriya milliy universitetinde derslerni sentâbr 27-de keçirip başlamağa planlaştıralar.

Bu aqta TMU-ğa destek olaraq narazılıq aktsiyasında «Tavriya gumanitar platforması» cemaat birleşmesiniñ idarecisi Andrey İvanets ilân etti, dep bildire Qırım.Aqiqat mühbiri.

«Tasil nazirliginen añlaştıq ve sentâbr 27-de Kirilovskaya soqağı, 164 adresi boyunca Vernadskiy adına Tavriya milliy universitetiniñ talebeleri oquşqa buyuracaq», – dep bildirdi İvanets.

Ukraina Tasil naziriliginiñ tışqı tasil bölügi müdiriniñ muavini Grigoriy Boyko narazılıq aktsiyasında bulundı ve iştirakçilerni nazirlikniñ Tavriya milliy universiteti reberiyetinen işbirlik tutmağa istegeninde işandırdı.

Bundan evel haber etildi ki, Kiyevde Tasil nazirligi yanında faaller, universitet ocaları, talebeler ve olarnıñ ana-babaları TMU-ğa destek olaraq narazılıq aktsiyasını keçirdi.

XS
SM
MD
LG