Link açıqlığı

Sentâbr 24-te Kiyevdeki 165 sanlı mektepte Oleg Ovseyenko makrame usulınen qırımtatar tamğasını örüv boyunca master-klass keçirecek.

Bu aqta Qırım.Aqiqatqa Ukraina Haber siyaseti nazirliginiñ matbuat hızmetinde bildirdiler.

Master-klass Ukraina Haber siyaseti nazirligi ve «Qırım qorantası» cemaat teşkilâtı tarafından teşkil etile.

Qırımtatar tamğasını örüv boyunca master-klass saat 12:00-de başlanacaq, keçirilecek yer – 165 sanlı mektep, Kiyev, Jilânskaya soqağı, 75.

Yarımada işğal etilgen soñ Qırım sakinleri Ukraina qıtaiy qısmına köçmege başladı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG