Link açıqlığı

Ukraina haber siyaseti naziriniñ birinci muavini Emine Ceppar sentâbr 22-de, cumaaqşamı künü Varşavada keçirilgen insan ölçemesi ve söz serbestligi meseleleri boyunca OSCE toplaşuvında çıqışta bulundı.

«İğal etilgen topraqlarda 300-den ziyade söz serbestligi bozuluvı belli oldı, bu «informatsion getto», – dep qayd etti Ceppar.

Cepparnıñ bildirgenine köre, Donbass toprağında tahminen 130 internet-saytı, Qırımda tahminen 60 sayt, bu cümleden Radio Svoboda ve Qırım.Aqiqat saytları blok etildi.

«Rusiye, bütünley ükümetke boysunğan yerli televizion kanallarını aça, o yerde Qırımda neler olğanı aqqında kerçekni bilmek imkânsızdır. Aynı şey merkeziy rusiyeli kanallar aqqında aytmaq mümkün», – dep añlattı Ceppar.

Sözniñ soñunda Ceppar qırımtatarlarnıñ adından OSCE-ge Qırımnıñ işğalini tanımağanı içün teşekkür bildirdi.

Bundan evel haber etilgenine binaen, Varşavada OSCE toplaşuvında ukrain eyyeti azaları Gennadiy Afanasyev ve Yuriy Lukanov da işğal etilgen topraqlarda söz serbestligi vaziyeti aqqında maruzalarnen sözge çıqtı.

XS
SM
MD
LG