Link açıqlığı

Kiyevde Qırım mühbirine destek olaraq şiiriyet aqşamı keçirilecek


Ukrain mühbiri, Qırım.Aqiqat ve Radio Svoboda müellifi Anvar Derkaç

«Tabletoçki» hayriye fondunıñ hadimleri Kiyevde Qırım mühbiri Anvar Derkaçqa destek olaraq yardım aqşamını teşkil etmege planlaştıra. Bu aqta malümat merasimniñ Facebook saifesinde bildirile.

«Biz aman-aman yardım aqşamlarını yapmaymız, amma #natabletoçki cıyıp, bizde oquğanlar belâğa oğrasa – biz tarafta turıp olamaymız. Anvar Derkaç hastalandı ve himiya kursından keçe. Amma o çalışmağa ve yazmağa devam ete, ve onıñ yağqan işleri – epimiz içün pek müimdir. Onıñ içün raatlıq künü teşkil etecekmiz ve faydalı bir şey yapmağa tırışacaqmız», – dep bildire aktsiya teşkilâtçları.

Plan boyunca, bu aqşam Anvar Derkaç içün tedaviylenüvge para toplamaq maqsadınen yazıcı Taras Prohasko, mühbirler Aleksey Bobrovnikov ve Nina Gruşetskaya, bundan da ğayrı, şair ve terciman Dmitro Mamçur yardım etecekler. Merasim sentâbr 22-de keçirilecek.

XS
SM
MD
LG