Link açıqlığı

Jamala «1944» türküsine klipni taqdim etti (video)


«Eurovision-2016» ğalibi, Ukraina temsilcisi qırımtatar yırcısı Jamala sentâbr 21-de, çarşenbe künü «1944» türküsine resmiy klipni taqdim etti. Yırcığa ğalebe ketirgen yırnıñ video premyerasını ilk olaraq Kiyevde seyirciler kördi.

Klipniñ esas fikri horeograf Anatoliy Saçivko ve operator Nikita Kuzmenkoğa ait.

«Biz, bir şey yañlış olğan nasıldır dünyanı köstermege istedik. Hususan, bu qabileni köremiz, onıñ toprağına felâket keldi, gemiler keldi. Aqiqaten de, merametsiz bir şekilde. Bu, belâ aqqında, felâket aqqında bir ikâyedir», – dep añlattı Jamala.

Klip, Zakarpatyede yerleşken arbiy bazada üç kün içinde çıqarıldı.

Qırımdan yırcı Jamala «Eurovision-2016» yır yarışında ğalebe qazandı, onıñ finalı İsveçiya paytahtı Stokgolm şeerinde mayıs 15-ke keçer gecesi keçirildi. Yırcı qırımtatar halqınıñ sürgüni aqqında añlatqan «1944» yırını taqdim etti. Konkurs qaidelerine köre, endi Ukraina «Eurovision» yarışını 2017 senesi qabul etecek. «Eurovision-2017» konkursı Kiyevde keçirilecek.

XS
SM
MD
LG