Link açıqlığı

«Çiygoznıñ işi» boyunca zararlanğan kişi apayınıñ elâk olğanını Çiygoznıñ areketlerinen bağlamay – adliyeci


2014 senesi, fevral 26-da Aqmescitte keçirilgen miting

İşğal etilgen Qırımda Rusiyege boysunğan Qırım Yuqarı mahkemesinde «Çiygoznıñ işi» boyunca toplaşuv devam etti.

Mahkemede «Çiygoznıñ işi» boyunca zararlanğan Vladimir İlyiç Leontyev sorğuğa çekildi, 2014 senesi fevral 26-da keçirilgen mitingde onıñ apayı elâk oldı. Sorğu devamında Leontyev ayttı ki, onıñ vefat etkenini Ahtem Çiygoznıñ areketlerinen bağlı olğanını saymay. Bu aqta adliyeci Nikolay Polozov Twitterde bildirdi.

Adliyeci Polozov bildirdi ki, 2016 senesi sentâbr 20-ge qadar «Çiygoznıñ işi» boyunca 84 zararlanğandan 35 kişi sorğuğa endi çekildi.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

Ahtem Çiygoz mahkemede özüni qabaatlı tanımadı.

XS
SM
MD
LG