Link açıqlığı

Saatnıñ esas haberi

Qırımğa suvuq ava keldi, yağmurlar beklenile


Arhiv fotoresimi, Aqyarda yağmur
Arhiv fotoresimi, Aqyarda yağmur

Sentâbr 20-den 21-ge keçer gecesi Qırımda ava arareti pek tüşti – aman-aman 10 derecege, kökte bulutlar, dep bildire Qırım.Aqiqat mühbirleri.

Sentâbr 21-de, üylege qadar Aqmescitte termometrler 11-12 dereceni kösterdi, deñiz yanındaki Aqyarda ise, 13 derece edi.

Qırımnıñ cenübiy yalısında sıcaqça oldı, hususan Yaltada termometrler 17 dereceni qayd etti, bu yerde ava, Qırımnıñ diger rayonlarına köre, biraz farqlana.

Muhtar qızdıruv sisteması olğan şahsiy evlerde yaşağan yerli sakinler gaz qazanlarını qullanıp, evlerini qızdırmağa başladı ve turistlerge böyle avada deñizde uvunmağa tevsiye etmey.

Qırım şeerleriniñ soqaqlarında adamlar kurtka ve küz ayaqqabınen yüre.

Sinoptiklerniñ haber etkenlerine köre, Qırımda yaqın eki afta devamında yağmur yağacaq ve ava arareti 14-17 dereceni teşkil etecek.

Qırımda ava suvuq olacağı aqqında aman-aman bütün meteorologik hızmetler bildire.

XS
SM
MD
LG