Link açıqlığı

İslâmov: sentâbr 24-te yürüşnen ruslarğa qadar kelirmiz


Lenur İslâmov Ukrain buhran media-merkezinde, 2016 senesi, sentâbr 20

Qırım vatandaş qamaçavı aktsiyasınıñ ştab yolbaşçısı Lenur İslâmov bütün ukrainlerni qamaçavnıñ bir yıllığına bağışlanğan yürüşke qoşulmağa davet ete. Yürüş Qırım ile memuriy sıñırda Çonğar köyü rayonında keçirilecek. Bu aqta İslâmov Kiyevde keçirilgen matbuat konferentsiyasında bildirdi.

«Biz yürüşnen ruslarğa qadar kelirmiz, olarnı o yerde, sıñırda bütün küçlerni toplamağa mecbur etermiz, olar anda öz «beretlerini» toplasın ve beklesinler. Olar ne yapacaqlarını bilmeyler, amma bizim kirecegimizni er kün beklesinler. Mında, Kiyevde, kabinetlerde sıcaq kreslolarda oturmaq ve bizim Qırımnı nasıl qaytaracağımıznı laf etmek – bu bir, rus işğalcige bir qaç metr mesafesinde yaqınlaşıp kelmek – bu başqadır, ve sen aqiqiy ukrain olğanını aytıp baq», – dep ayttı İslâmov.

2015 senesi sentâbr 20-de, Qırımğa mahsulat ve malnı alıp ketken yük naqliyeni blok etüv boyunca qırımtatarlarnıñ liderleri teşebbüsinen keçirilgen müddetsiz aktsiyası başlandı. 2016 senesi yanvar ayı ortasında, teşkilâtçılarnıñ sözlerine köre, Qırım qamaçavı boyunca aktsiyanıñ şekli deñişti.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG