Ukraina Yuqarı Radası «Ukraina Rusiye Federatsiyası yedinci çağıruv Federal Toplaşuvı Devlet Dumasına saylavlarnıñ, bunıñ neticeleriniñ ve uquqiy aqibetleriniñ, veyedinci çağıruv Federal Toplaşuvı Devlet Dumasınıñ terkibi, vekâleti, qararlarınıñ qanuniy olğanını tanımağanı munasebetinen Ukraina Yuqarı Radasınıñ beyanatı aqqında» qarar leyhasını qabul etti.
Mütenasip qararğa 264 halq deputatı qol tuttı. Bu aqta malümatnı Qırım.Aqiqat mühbiri bildire.
Büyük Britaniya işğal etilgen Qırımda keçirilgen Rusiye Devlet Dumasına saylavlarnıñ neticelerini tanımadı.
Rusiye Devlet Dumasına saylavlar sentâbr 18-de keçirildi. Bir sıra devletler, bu cümleden, AQŞ, Kanada, Frenkistan, İsveçiya işğal etilgen Qırım territoriyasında saylavlarnıñ qanuniy olğanını tanımağa red etti.
Poloniya Tışqı işler nazirligi Rusiye Devlet Dumasına bütün parlament saylavlarınıñ qanuniy olğanını şübeli saydı.
