Link açıqlığı

İslâmov Qırım vatandaş qamaçavınıñ bir yıllığını qayd etmege çağırdı


İllüstratsiya fotoresimi

Qırım vatandaş qamaçavı aktsiyasınıñ lideri Lenur İslâmov Facebook saifesinde hatırlattı ki, sentâbr 20-de bunıñ başlanuvından bir yıl tola.

«Tamam bir yıl evel saat 12:00-de Qırım qamaçavı başlandı. Qırım vatandaş qamaçavında çoq vatandaş taqımları iştirak etti», – dep hatırlattı İslâmov.

Bunen beraber, o ilân etti ki, sentâbr 24-te Qırım ile memuriy sıñırda miting-yürüş keçirilecek.

«Men, Qırım vatandaş qamaçavı idarecisi olaraq, mennen beraber Qamaçavnı başlağan er kesni saat 12:00-de Çonğarğa QVQ ştabına kelmege çağıram. Miting-yürüşten soñ, QVQ faalleri hatıra işaretler ve fahriy yarlıqlarnen taqdirlenecek», – dep bildirdi İslâmov.

2015 senesi sentâbr 20-de, Qırımğa mahsulat ve malnı alıp ketken yük naqliyeni blok etüv boyunca qırımtatarlarnıñ liderleri teşebbüsinen keçirilgen müddetsiz aktsiyası başlandı. 2016 senesi yanvar ayı ortasında, teşkilâtçılarnıñ sözlerine köre, Qırım qamaçavı boyunca aktsiyanıñ şekli deñişti.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG