Ukraina Yuqarı Radası sentâbr 20-de, salı künü Ukraina, Rusiye Federatsiyası Devlet Dumasına saylavlarnıñ qanuniy olğanını tanımağanı boyunca ariza aqqında 5135 sanlı qanun leyhasını baqacaq, böyle etip, dünya cemaatçılığını bu saylavlarnıñ qanuniy olğanını tanımamağa çağırmağa niyetlene. Bu aqta ukrain parlamentiniñ saytında yerleşken toplaşuvnıñ kün tertibinde aytıla.
Ukraina Yuqarı Radasınıñ umumiy saba toplaşuvı, er vaqıt olğanı kibi, saat 10:00-da başlana.
Sentâbr 19-da Ukraina Tışqı işler nazirligi ilân etti ki, Qırımda keçirilgen saylavlar bütün Devlet Dumasınıñ qanuniy olğanını şübeli etti.
Sentâbr 19-da, bazarertesi künü «Narodnıy front» («Halq cebesi») fraktsiyası, Rusiye Federatsiyası yañı saylanılğan Devlet Dumasınıñ qanuniy olğanını tanımama aqqında qanun leyhasını qayd etti.
