Aqmescit bölgesi №266 saylav komissiyasınıñ reisi Yelena Agapova Qırım.Aqiqat mühbirine bildirdi ki, bu saylav noqtasında qırımtatarlar rey berüvni körmemezlikke urdı.
Agapovanıñ aytqanına köre, Borçoqraq (Fontanı) mikrorayonınıñ bir qısmı kirgen noqtada 1818 saylayıcı oturmaqta. Olardan 90%-dan ziyade qırımtatarı, qalğanları rus, ukrain ve digerleri. Saat 18.00 saylayıcılarnıñ yalıñız 9% rey berdi. Saylav noqtası №7 şeer hastahanesinde yerleşe.
«Ukraina vaqtında er keske ayrı davetname berile edi, saylayıcınıñ adı ve soyadı qayd etile edi, Rusiyede böyle bir şey yoq. Saylav noqtasınıñ adresi ve rey berüv saati qayd etile. Onıñ içün insanlar bizni unutqansıñız, dep şikâyet etip kele edi. Doğrusını aytqanda, saylavlarğa kelmegenleriniñ sebebine şaştıq», – dep ayttı Agapova Qırım.Aqiqatqa.
Sentâbr 18-de saat 20-de işğal etilgen Qırımda Rusiye Devlet duması saylavlarınıñ rey berilmei yekünlendi.
