Link açıqlığı

Rusiye elçiligi Ukraina Tışqı işler nazirligine ücüm munasebetinen narazılıq mektübini yolladı


Kiyevdeki Rusiye elçiligi, 2016 senesi, sentâbr 17

Kiyevdeki Rusiye elçiligi Ukraina Tışqı işler nazirligine olarnıñ binasına ücümni taqiq etmek talabınen narazılıq mektübini yolladı. Bu aqta rusiyeli media, diplomatik temsilciliginiñ malümatına esaslanıp, bildireе.

«Gece yüz bergen ücüm sebebinden, Kiyevdeki Rusiye elçiligi Ukraina Tışqı işler nazirligine vaqianı taqiq etmek ve rusiyeli diplomatik missiyanıñ havfsızlığını teminlemek talabınen narazılıq mektübini yolladı» – dep bildirdiler elçilikte.

Belli olmağan şahıslar sentâbr 16-dan 17-ge keçer gecesi Kiyevdeki Rusiye Federatsiyası elçiligine fişenk attı. Reuters agentliginiñ bildirgenine köre, belli olmağan şahıslar, Qırım territoriyasında Devlet Dumasına saylavlarnıñ keçirilmesine qarşı narazılıq bildirmek içün, elçilikke ücüm etti. Ücüm etkenlerden kimse yaqalanmadı. Kiyev milliy politsiyası bildire ki, vaqia şaraitini belgiley.

XS
SM
MD
LG