Link açıqlığı

Belli olmağan şahıslar sentâbr 16-dan 17-ge keçer gecesi Kiyevdeki Rusiye Federatsiyası elçiligine fişenk attı. Bu aqta TASS agentligi, elçilikniñ malümatına esaslanıp, bildire.

«Gece tahminen saat birde belli olmağan şahıslar elçilik territoriyasına tuman şaşkasını attı ve binağa fişenk aletinen attı. Bu, hususan diplomatik missiyanıñ binasına atıldı», – dep bildire haber agentligi elçilikten subetdeşniñ sözlerini.

Strana.ua ukrain neşiri, Milliy gvardiya hadimleriniñ malümatına esaslanıp, bildire ki, üçüm tahminen 20 insan tarafından yapıldı. Reuters paylaşqan videoda körune ki, fişenk atılğan vaqıtta eki insan ellerinde «Bugün fişenk, yarın ise grad olacaq» şiarınen levhanı tuttı. Bunen beraber körüne ki, vaqianı tahminen beş fotomühbiri közetti.

YELLOW DOG YouTube-kanıldan video/em>

Ukraina uquq qoruyıcı organlarınıñ bu vaqia boyunca resmiy izaatları şimdilik yoq.

Sentâbr 18-de Kiyevdeki Rusiye elçiliginde Devlet Duması deputatları içün rey berüv bölügi açılmaq kerek. Sentâbr 10-da Ukraina Tışqı işler nazirligi ilân etti ki, Ukrainada yerleşken rusiyeli diplomatik müessiselerde saylavlarnıñ keçirilmesini mümkün olmağanını saya. Ukraina Tışqı işler nazirligi ilân etti ki, işbu saylavlar qanunsızdır, çünki, bu cümleden Rusiye tarafından işğal etilgen Qırımda da keçirile.

Rusiye Tışqı işler naziri, cevap olaraq, bildirdi ki, ep bir Kiyevdeki elçilikte, bunen beraber, Odessa, Lvov ve Harkovdaki konsullıqlarda rey berüvni teşkil etmege niyetlene.

XS
SM
MD
LG