Link açıqlığı

Qırım sakinlerini Herson Şeer kününe bağışlanğan «Okean Elzi» bedava kontsertine bekleyler


Arhiv fotoresimi, Mariupol

Sentâbr 17-de saat 21.00-de Herson Şeer kününe bağışlanğan merasimler çerçivesinde Fedorov sailinde Slava bağçasında «Okean Elzi» gala-kontserti keçirilecek, dep bildire Herson vilâyeti devlet memuriyetiniñ saytı.

«Şeerimiz içün bu büyük kün bizge Ukraina bütün vatanperverleri içün ulu «Okean Elzi» taqımı keldi. Herson, bu unikal fırsatnen faydalanmağa – Svâtoslav Vakarçuknı canlı diñlemege istegen er kesni quvançnen qabul eter. Er kesni bu vaqiağa qoşulmağa davet etemiz», – dep ayttı Herson vilâyeti devlet memuriyetiniñ reisi Andrey Gordeyev.

«Okean Elzi», «Bez mej» («Sıñırsız») studiya albomına destek olaraq Mariupolde bedava kontsertnen başlanğan eki yıllıq dünya turnesini ömürge keçire.

İyün 11-de, cumaertesi künü «Okean Elzi» taqımınıñ solisti Svâtoslav Vakarçuk Lvovda keçirilgen kontsertte «Golos krayini» («Devlet sesi») teleşoudan öz şegirti Eskender İslâmovnen beraber «Obiymi» türküni qırımtatar tilinde yırladı.

XS
SM
MD
LG