Link açıqlığı

Ukraina prezidenti Petro Poroşenko ilân ete ki, Qırım mensüpligi ukrain ükümeti içün ticaret degil, ve yarımadanıñ Donbasstaki vaziyetniñ eyileşmesine deñiştirilmesi mümkün degil.

«Biz, Donbass boyunca yahşı qarar alınması içün iç bir vaqıt Qırımdan ticaret yapmaycaqmız. Qırım – bu ukrain toprağı», – dedi Poroşenko sentâbr 16-da Kiyevde keçirilgen Yalta avropalı strategiyası 13-ci er senedeki körüşüvinde.

Onıñ sözlerine binaen, Qırımnıñ Rusiye tarafından işğaliniñ qanunlaştırılması kibi böyle telükeli vaqia «aslında olmamaq kerek».

Poroşenkonıñ qayd etkenine köre, Rusiye yolbaşçılarınıñ zorbalıq siyaseti işğal etilgen Qırımda yarımadanı toplama lagerine çevirdi.

«Qırımnı unutmaq aqqımız yoq. Vaqtınca işğal vaziyetinde Rusiye bu ukrain yarımadasını büyük arbiy bazağa çevire, ve Qara ve Aq deñizlerinde strategik balansnı deñiştirip. Halqara uquq, insan aqları, umumiy avropalı degerlerine inanğanlar içün Qırım aqiqiy toplama lagerine çevirile, – dep ilân etti prezident.

Sentâbr 15-te Birleşken Milletler Teşkilâtında bildirdiler ki, işğal etilgen Qırımda insan aqları vaziyeti kerginleşmege devam ete.

Uquq qoruyıcılar Qırım Rusiye tarafından işğal etilgen soñ yarımadada insan aqları bozulğanı aqqında bir qaç sefer bildirgen edi. Yarımadanıñ ameldeki ükümeti bu beyanatlarnı lâğu ete.

XS
SM
MD
LG