Sentâbr 16-da saba Keriç parom keçitinde avtomobil aydavcınen Keriçke yaqınlaşqan paromdan deñizge tüşti. Vaqia videosını kerch.com.ru saytı paylaştı.
Neşirniñ bildirgenine köre, «Deñiz müdirliginde» haber ettiler ki, «Protoporos IV» paromı «Qırım» limanında yalığa yaqınlaşqanda cuma künü, saba saat 9:20-de iskelege yanaşqanda parom içinde bulunğan avtomobillerden biri qanunsız çıqtı, çetke keldi ve deñizge tüşti.
Videoda körüne ki, parom iskelege kelgende qara maşna ögge areket etmege başladı, ve deñizge sekirdi.
İlk malümatlarğa binaen, maşnada eki adam bar edi, amma diger menbalar bir insan aqqında ayta, onı soñra suvdan çıqardılar. Şimdiki vaqıtta iskelede politsiya ve prokuratura hadimleri çalışa. İskelege qayıq ve qurtarıcılarnen UAZ maşnası keldi, dep bildire neşir.
Şaatlarnıñ sözlerine binaen, liman suv alanında dalıcılar çalışa, olar batqan maşnanı kranğa bağlamağa tırışa. Bunen beraber, parom keçiti çalışmağa devam ete, dep bildire Keriç kütleviy haber vastaları.
Keriç boğazında parom keçiti Qırımnı Rusiye Federatsiyasınıñ Krasnodar ülkesinen bağlağan esas naqliye yolu ola.
