Sentâbr 17-de, cumaertesi künü Donbasstan mecburiy köçkenlerge Kiyev vilâyetindeki Abramovka köyünde topraq damartıları alma aqqı aqqında ilk şeadetnameler berilecek. Bu kün 103 adam şeadetname alacaq. Umumen olaraq, leyha çerçivesinde mecburiy köçkenlerniñ 560 qorantası topraqnen teminlenecek, olardan tahminen 60 qoranta – qırımtatar qorantalarıdır. Bu aqta Qırım.Aqiqatqa bergen izaatında «Qırım diasporası» cemaat teşkilâtınıñ matbuat kâtibi Tatyana Guzik bildirdi.
«Bizge Vışgorod rayonında Abramovka köyü yanında 55 gektar topraq ayırıldı. 560 qoranta, olardan tahminen 60 qırımtatar qorantası, ve daa bir qaç Qırım sakini, bu köy hocalığı içün ayırılğan topraqnı qullanma aqqı aqqında, amma kiçik qurucılıq aqqınen, şeadetnamelerni resmiyleştire. Şimdilik kiçik», – dep ayttı Tatyana Guzik.
Bunen beraber, o qayd etti ki, kelecekte, mecburiy köçkenler topraq damartılarında mesken evlerni qurıp, yanında bağça ve bostanlarnı saçıp olsun dep, teşkilâtta yerli akimiyetten bağça kooperativi teşkil etilmesini talap etecekler.
