Ukraina prezidenti Petro Proşenko ve Rusiye Federatsiyası prezidenti Vladimir Putinniñ iştiraginen Donbasstaki dava çezilmesi aqqında muzakereler Berlin ya da Pariste keçirile bile, dep bildirdi Ukraina Tışqı işler nazirliginiñ yolbaşçısı Pavel Klimkin.
Bu muzakereler Donbasstaki davanıñ çezilmesine fayda ketirse, Ukraina ve Rusiye prezidentleri Petro Poroşenko ve Vladimir Putinniñ körüşüvi keçirile bile.
Bu aqta «1+1» telekanalınıñ yayınında Ukraina tışqı işler naziri Pavel Klimkin ilân etti.
«Bu bizge fayda ketirse, elbet, keçirilecek», – dedi nazir nomand formatında keçirile bilecek Poroşenko ve Putinniñ körüşüvi aqqında, qaysı biri Frenkistan ve Almaniya tışqı işler nazirleri Jan-Mark Ero ve Frank-Valter Ştaynmayer ile körüşüvden evel keçirile bile.
«Añlaşmağa fırsatımız olğanda, ya Pariste, ya Berlinde toplaşacaqmız. Ve pek tez sürette», – dep qoştı Ukraina tışqı işler naziri.
