Link açıqlığı

Saatnıñ esas haberi

Feygin: Qırımda rusiyeli ükümet Devlet dumasına saylavlardan soñ 6 biñ obyektni yoq etmege niyetlene


Mark Feygin
Mark Feygin

Rusiyeli ükümet sentabr 18-de keçirilecek Devlet dumasına saylavlardan soñ işğal etilgen Qırımda 6 biñ obyektni yoq etmege niyetlene.

Bu aqta rusiyeli adliyeci Mark Feygin Ukrinform mühbirine bildirdi.

«Bilem ki, Qırımda saylavlardan soñ 6 biñ obyektniñ qanunsız olğanı içün yoq etilmesi planlaştırıla. Bundan kim eñ çoq zarar körecegini añlamaq qıyın degildir – qırımtatarlar», – dedi Feygin.

Onıñ hatırlatqanına köre, qırımtatarlarnıñ vatanğa avdeti qıyın oldı, qaytqanlarnıñ binaları ise, kerek olğanı kibi resmiyleştirilmedi ve uyğunlaştırılmadı. Şimdi rusiyeli ükümet bu meseleni qattı yolnen çezecek ola.

«Qırımtatarlarğa nisbeten Stalin narrativiniñ sıq-sıq qullanılması şaraitinde böyle aktsiyalarnıñ neticeleri daa qattı areketler ola bile», – dep añlattı Feygin.

Bundan evel rusiyege boysunğan Qırım yobaşçısı Sergey Aksönov ilân etti ki, Qırımda mütenasip hızmetler, 100 metr sail toprağındaki obyektlerni yoq etmek içün, emirni bekley. Bundan evel Aksönov Qırım yalılarında obyektlerniñ yoq etilecegi aqqında bildirmey edi. Laf em ticaret noqtaları, em de musafirhane obyektleri aqqında kete.

Aksönov sail toprağında qurucılıq içün cinaiy mesüliyetni kirsetmek teşebbüsini bildirgen edi.

Bunen beraber, o, rusiye baş naziri Dmitriy Medvedevge Qırım sail toprağında qanunsız binalarnı yoq etmek aqqını yerli organlarğa teslim etmege ruhset bermege rica etken edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG