Ukraina tışqı işler nazirligi Rusiye mudafaa naziri Sergey Şoygunıñ Qırımda bulunğanına qarşı narazılıq bildire.
«Sentabr 9-da Rusiye Federatsiyası mudafaa naziri Sergey Şoygunıñ vaqıtnca işğal etilgen Qırım Muhtar Cumhuriyetiniñ territoriyasında ukrain tarafınen uyğunlaştırılmağan nevbetteki bulunması munasebeti ile rusiyeli tışqı siyaset müessisesine narazılıq beyanatı yollanıldı», – dep bildirdiler Ukraina tışqı işler nazirliginde.
Ukrain tarafı bunıñ «rusiyeli ükümet tarafından Ukraina devlet mustaqilligini açıq ihmal etüvi» olğanını ayttı.
Cuma künü Rusiye mudafaa naziri Sergey Şoygu Qırımğa keldi, bu yerde «Qavqaz-2016» strategik taqım-ştab ögrenüvleriniñ esas basamaqlarından biri ömürge keçirile edi.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
