Link açıqlığı

Sentâbr 14-te Aqmescitte Qurban bayram qayd etilecek, merasimler merkeziy Gagarin bağçasında keçirilecek. Bayram programması çerçivesinde qırımtatar yırcıları ve bediiy taqımlarnıñ kontserti taqdim etilecek. Parkta sport, bala ve oyun meydançıqları çalışacaq. Bu aqta Qırım ve Sevastopol musulmanları diniy idaresiniñ matbuat hızmeti bildire.

Balalarnı bedava attraktsionlar, altı qarınca, batutlar bekleycek. Sport meydançığında küreş ve armresling yarışları keçirilecek. Bundan da ğayrı, halq yaratıcılığı yarmalığı çalışacaq. Er istegen insan quyumcılıq ve çölmekçilik, nağış ve mehendi master-klasslarında iştirak ete bilecek.

Elde etilgen malümatqa binaen, bağçada Pilâv festivali keçirilecek, bayram musafirleri bedava aşay bilecek ve şef-aşçılarınıñ işine qıymet kese bilecek.

Qırımda musulman Qurban bayramı raatlıq künü olaraq ilân etildi.

Qurban bayramı – islâm taqviminiñ eñ müim bayramlarından biri ola, bu vaqıt musulmanlar, ibadet olaraq, qurban çala.

XS
SM
MD
LG