«Eurovision-2017» halqara yır konkursınıñ teşkiliy komiteti yarış Kiyev şeerinde keçirilecegi aqqında ayttı, bu aqta Ukraina Milliy telekompaniyasınıñ baş müdiri Zurab Alasaniya ilân etti.
«19 rey – Kiyev içün, 2 – Odessa içün, 1 – rey berüvden vazgeçti. Keçirilecek yer – sol tarafta Halqara sergi merkezi», – dedi Alasaniya.
Avgust soñunda teşkiliy komitet «Eurovision-2017» halqara yır konkursını keçirüv aqqı içün Ukraina şeerleri arasında saylavnıñ ğalibini planlaştırılğan ilân etüvni lâğu etti. Ukraina Milliy telekompaniyasınıñ baş müdiri Zurab Alasaniya avgust 25-ke planlaştırılğan «Eurovision-2017» şeer saibini ilân etüvniñ lâğu etilmesini teşkiliy komitet ğalip kim olacağını belgilemegeninen bağlı olğanını ayttı.
Yarış finalına Kiyev, Odessa ve Dnepr keçti.
Bu sene mayıs ayında İsveçiyada Jamala ğalebe qazanğan soñ, «Eurovision-2017» yarışınıñ Ukrainada keçirilecegi belgilendi.
