Link açıqlığı

İşğal etilgen Qırım sakinleri añlamaq kerek ki, olar er kün körgen «problemalarnıñ temeli», bu cümleden, suvnen teminlenüv ile bağlı problemalarnıñ sebebi – bu yarımadanıñ rusiyeli işğali ve Ukrainağa qarşı basqıncılıqtır. Böyle fikirni Qırım.Aqiqat Radosınıñ saba yayınında «Uquq küçü» ukrain cemaat teşkilâtınıñ reisi Andrey Sençenko, yarımadada suvnen teminlenüv ile bağlı problemalarğa izaat berip.

«Esas problema suvnıñ olmamasında, em de o (suv – QA) Şimaliy Qırım kanalından ketirilmegeninde degil de, Qırım ve Qırım sakinleriniñ esas probleması – yarımadanıñ rusiyeli işğalidir. Bunıñ içün, bu tüyümlerni çezmek ve bütünley meselelerni çezmek içün bu Qırım işğalinen bağlı meselede noqta qoymaq kerek», – dedi Andrey Sençenko.

Rusiye tarafından işğal etilgen Qırımda merkeziy suvnen teminlenüv olmağan mesken yerlerniñ sayısı çoqlaşa. Kremlge boysunğan yarımada ükümetiniñ matbuat hızmetiniñ bildirgenine köre, şeerlerniñ bazı qasabalarına ve bazı köylerge suv tsisternalarnen ketirile.

Qırım Rusiye tarafından işğal etilgen soñ Ukraina yarımadağa Şimaliy-Qırım kanalında suv berilmesini toqtattı. Bu kanal vastasınen Ukraina Qırımnıñ suv ihtiyaclarınıñ 85 fayızını teminley edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG