Link açıqlığı

Saatnıñ esas haberi

Eşton Karter: AQŞ iç bir vaqıt Qırım işğalini tanımaz


Eşton Karter
Eşton Karter

AQŞ mudafaa naziri Eşton Karter qayd etti ki, «Ukrainağa qarşı tecavuz boyunca AQŞ-nıñ noqta-i nazarı aynı qalmaqta, Qırım işğali iç bir vaqıt tanılmaz, Donbasstaki Ukrainağa qarşı gibrid cenki ise, Rusiyeniñ aşalayıcı yutquzmanen yekünlenecek».

Böyle beyanatnı Karter Ukraina mudafaa naziri, Ukraina ordusı generalı Stepan Poltorak ile sentâbr 8-de Büyük Britaniyada keçirilgen toplaşuvda bildirdi, dep haber ete Ukraina Mudafaa nazirliginiñ matbuat hızmeti.

«Amerika qoşma Ştatları – devletimizniñ mustaqilligin destek köstermek içün mantıqlı ve israrlıqnen bütün elinden kelgen tedbirlerni yapqan ortağımız ola. AQŞ tarafından kösterilgen yardım Rusiye Federatsiyasınıñ Ukrainağa qarşı zorbalığına qarşılıq faktorı ola», – dedi Stepan Poltorak.

Sentabr 8-de Ukraina mudafaa naziri Stepan Poltorak ve AQŞ mudafaa naziri Eşton Karter «Ukraina mudafaa nazirligi ve AQŞ Mudafaa nazirligi arasında işbirlik inkişafı kontseptsiyasını» imzaladı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG