Link açıqlığı

Saatnıñ esas haberi

Berezovets: Kreml Aksönovnı oturtmağa azır degil


Taras Berezovets
Taras Berezovets

Rusiye Federatsiyası yolbaşçıları işğal etilgen Qırımnıñ Kremlge boysunğan ameldeki yolbaşçısı Sergey Aksönovnı vazifeden boşatmağa planlaştıra ve bunıñ içün uzlaşma variantını işlep çıqara. Böyle fikirni Qırım.Aqiqat Radiosınıñ saba yayınında ukrain siyasetşınası Taras Berezovets bildirdi.

«O, ya, kerçekten de, Devlet Dumasına yollanılacaq, ya da başqa variantlar, amma añlaşılğan ki, Kreml «Qırım baari» qaramanlarından birini oturtmağa azır degil, amma bunıñ içün sebeb bar. Olar (Rusiye reberiyeti – QA) Aksönovnı alıp ta, oturtıp olamaylar. Bunıñ içün, daa bir hain – oturtma yerine Moskvağa, aliy oquv yurtlarından birine yollanılğan Temirgaliyev efendinen olğanı kibi, nasıldır uzlaşma variantını qıdıracaqlar», – dep ayttı Berezovets.

Сложный выбор. Признают ли депутатов Госдумы РФ от аннексированного Крыма
Bekleñiz, lütfen

No media source currently available

0:00 0:21:47 0:00

İyül 28-de Rusiye prezidenti işğal etilgen Qırımnıñ ayrı okrugını yoq etti ve yarımadanı Rusiye Cenübiy federal okrugına (CFO) qoştı.

Başqa bir ferman ile Vladimir Putin işğal etilgen Aqyar sabıq yolbaşçısı Sergey Menâylonı Sibir federal okrugında prezidentniñ vekâletli temsilcisi vazifesine tayinledi, Qırım federal okrugında Rusiye prezidentiniñ vekâletli temsilcisi Oleg Belaventsevni ise, Şimaliy Qavqaz federal okrugında Rusiye prezidentiniñ vekâletli temsilcisi vazifesine belgiledi.

İşğal etilgen Aqyarnıñ vaqtınca yolbaşçısı vazifesine Putin Minpromtorgdan Dmitriy Ovsânnikovnı tayinledi.

XS
SM
MD
LG