Sentâbr 7-de, çarşenbe künü işğal etilgen Qırımnıñ Rusiyege boysunğan Yuqarı mahkemesi 2014 senesi fevral 26-da Qırım Muhtar Cumhuriyeti yanında kütleviy nizamsızlıq teşkil etüvde rusiyeli ükümet tarafından qabaatlanğan Qırımtatar Milliy Meclisi reisiniñ muavini Ahtem Çiygoznıñ işi boyunca eki zararlanğan kişini diñledi.
Toplaşuvda eki zararlanğan kişi, «göñülli politsiya quvetleri» temsilcileri diñlenildi. Bunen beraber, Ahtem Çiygoz mahkemede ilân ettiki, birinci sorğuğa çekilgen kişiniñ, «onıñ nutuq eksikleri olğanı sebebinden», sorğuğa çekilmesi olmay. Adliyeci Nikolay Polozov qayd etti ki, zararlanğannıñ tutuqlanğanı 2014 senesi fevral 26 vaqialarınen iç te bağlı degil.
Prokuror zararlanğannıñ delilleri ilân etilmesi aqqında bildirdi, amma mahkeme bunı red etti ve sorğunı devam etti.
Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.
Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.
Ahtem Çiygoz mahkemede özüni qabaatlı tanımadı.
