Link açıqlığı

Saatnıñ esas haberi

Ukraina prezidenti Petro Poroşenko qayd ete ki, Qırım meselesi ta 1954 senesi ve Ukraina mustaqil olğan 1991 senesi qapatıldı. Bu aqta ukrain devleti yolbaşçısı sentâbr 6-da Yuqarı Radağa er sene yapqan muracaatında bildirdi.

«Qırım meselesi qapalı olğanı aqqında Putinniñ beyanatı – bu onıñ şaşmalamasıdır. Amma o, kerçekten de, em 1954, em de 1991 senesi qapatıldı. Qırım ukrain ola, edi ve olacaq. Diger laf olmaycaq», – dedi prezident.

Rusiye prezidenti Vladimir Putin sentâbr 3-te Vladivostokta keçirilgen Şarqiy iqtisadiy forumnıñ toplaşuvında ilân etti ki, Moskva Ukrainağa işğal etilgen Qırımnı qaytarmağa planlaştırmay, çünki bu mesele «tarihiy qapatıldı».

Avropa Şurasında Ukraina daimiy temsilcisi, Ukraina Tışqı işler nazirliginiñ mahsus avaleler boyunca elçisi Dmitriy Kuleba Rusiyeniñ Qırımnı işğal etkeni içün mesüliyeti meselesi Kiyev içün açıq olğanını ayttı. Bu aqta Kuleba Twitterde yazdı.

«Qırım meselesi, kerçekten de, qapalı. Qırım – bu Ukraina. Rusiyeli ükümetniñ işğal içün mesüliyeti şekli meselesi açıqtır», – dep yazdı Kuleba.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG