Link açıqlığı

Özbekistan, tuvğan Samarkandda defin etilecek prezident Karimov ile sağlıqlaşa


Taşkent sakinleri, cenaze korteji ava limanına ketken yolda prezident İslam Karimovnı özğara, 2016 senesi, sentâbr 3

Sentâbr 3-te, tañda biñlernen adamlar, Özbekistan prezidenti İslam Karimovnıñ cenaze kortejini özğarmaq içün, Taşkent baş magistrali boyunda turdı. Karimovnı bugün tuvğan Samarkand şeerinde, paytahttan tahminen 300 kilometr uzaqlığında, kömecekler. Adamlar, saba saat 6-da ava limanına ketken cenaze kortejiniñ yolunda qırmızı çiçekler qoydı.

Taşkent ava limanında İslam Karimovnıñ apayı ve qızı
Taşkent ava limanında İslam Karimovnıñ apayı ve qızı

Televizionda askerler prezident ile tabutnı Samarkandğa ketken uçaqqa qoyğanı kösterildi.

Cenazeniñ keçirilmesi içün mesüliyetli olaraq devletniñ baş naziri Şavkat Mirziyayev belgilendi.

Özbekistanda İslam Karimovnıñ ölümi aqqında, bu mesele boyunca tasdıqlanmağan malümat berilgen bir qaç kün keçken soñ, sentâbr 2-de aqşam resmiy olaraq ilân etildi. Devlet televizionı bildirdi ki, Karimov cuma künü Taşkentte yerli vaqıtnen saat 8:55-te miyge qan aqqanı sebebinden vefat etti. Devlette üç kün milliy matem ilân etildi.

Karimov 27 yıl devamında, Orta Asiyanıñ eñ çoq eali olğan devletniñ mustaqil olğanından berli, Özbekistan yolbaşçısı edi.

Özbekistan Esas qanunına binaen, eger prezident öz vazifelerini eda etip olamasa, yolbaşçı vazifesini üç ay devamında Parlament Yuqarı palatasınıñ (Senat) reisi eda ete. Şimdiki vaqıtta devlette bu vazifede Nigmatulla Yuldaşev buluna.

XS
SM
MD
LG