Rusiye prezidenti Vladimir Putin ilân etti ki, Moskva Ukrainağa işğal etilgen Qırımnı qaytarmağa planlaştırmay, çünki bu mesele «tarihiy qapatıldı». Bu aqta Putin sentâbr 3-te Vladivostokta keçirilgen Şarqiy iqtisadiy forumnıñ toplaşuvında bildirdi, dep haber ete «RİA Novosti».
«Qırım halqı qarar aldı, rey beri. Mesele tarihiy qapatıldı. Sabıq nizamğa iç qaytaruv yoq», – dedi Putin.
Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
