Link açıqlığı

Saatnıñ esas haberi

Sıvaşta Qırım ile sıñır belgilendi – Geniçesk memuriyeti


Sıvaş gölü, illüstratsiya fotoresimi
Sıvaş gölü, illüstratsiya fotoresimi

Sıvaş gölünde Herson vilâyeti ve Qırım arasında sıñırnı belgilegen yaldavuqlar qoyuldı. Bu aqta Qırım.Aqiqatqa Geniçesk rayon devlet memuriyetiniñ yolbaşçısı Aleksandr Vorobyov bildirdi.

O añlattı ki, sıñırlama ukrain sıñırcılarınıñ teşebbüsinen beraber yapıldı.

«Keçken seneleri tecribesini köz ögüne alamız, o vaqıt balıqçılar sıñırdan keçti ve esirge alındı, soñra olarnı teslim etken ediler. Büyük iş edi. Şartlı yaldavuqlarnı teklif ettim. 20 yaldavuq yapıldı, olar endi qoyuldı», – dedi Vorobyov.

Yerli memuriyet yolbaşçısınıñ qayd etkenine köre, işbu teşebbüsniñ esas maqsadı, balıqçılarğa suvda tutacaq yolnı qolay tapmağa yardım etmektir, sıñırğa ise, ukrain sıñırcıları içün qoşma katerler ayırıldı.

Qırım 2014 senesi Rusiye tarafından işğal etilgen soñ qıtaiy Ukraina ve yarımada arasında resmiy olaraq memuriy, aqiqaten ise, kerçek «sıñır» yerleşti.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG