Link açıqlığı

Qırımtatar balaları içün ana tilinde oyunlarnen sayt taqdim etildi


QirimJr («Qırım Cünior») birinci maarif-eglence qırımtatar bala saytı sentâbr 1-de çalışıp başladı. Saytta tek qırımtatar tilinde çeşit çağdaki balalar içün online oyunlar yerleşe. Bu yerde faydalı maqaleler oqumaq ve çeşit yarışlarda iştirak etmek de mümkün.

«Endi qırımtatar balaları tek bilgisayar ögünde meraqlı vaqıt keçirip degil de, amma bunen beraber ana tilini ögrenip olur», – dep aytıla qırımtatarlar aqqında «Crimean tatars» internet-portalınıñ Facebook saifesinde leyhanıñ añlatılmasında.

Leyha boyunca Qırım, Ukraina ve Kanadada yaşağan qırımtatarlarnıñ taqımı çalışa. Saytta oyunlardaki seslerni yazğan tilşınas Uriye Kadırovanıñ sözlerine binaen, leyha müellifleri içtimaiy ağda birleşti.

Kelecekte QirimJr taqımı ingliz tilinde de oyunlarnı yapmağa planlaştıra.

XS
SM
MD
LG