Link açıqlığı

Yalta, Aluşta ve Kezlev Qırım şeerleri rusiyeliler arasında yaz mevsiminde raatlıq içün eñ populâr «Top-10» cedveline kirdi. Bu aqta Kremlge boysunğan Qırım kurort ve turizm nazirligi, RoomGuru qıdıruv servisiniñ malümatına esaslanıp, bildire.

Servisniñ malümatına binaen, 2016 senesi iyün 1-den avgust 31-ge qadar on eñ populâr rusiyeli kurort sırasına Soçi, Anapa, Gelencik, Novorossiysk, Yeysk, Zelenogradsk ve Listvânka (Baykal) da kirdi.

Bunen beraber, eñ çoq devam etken kurort raatlığını – orta köstergiçlerge köre, eki aftalıq – Yaltada ve rusiyeli Soçide sımarlanğan edi. Yaltada yaşama içün künde tahminen 3,2 biñ ruble, Soçide 3,6 biñ ruble tölendi.

Rusiye ve Qırım kurortlarında raatlıq, servisniñ malümatına binaen, bu yazda, orta olaraq, 12 künge raatlıq sımarlana edi ve musafirhanelerde künde 3,3 biñ ruble tölene edi, bu ise uzaq çetel devletlerde raatlıq içün tölemelerden 70 fayız ucuzdır.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG